كورېيە بىلەن ئامېرىكا بۇ يىل چاۋشيەنگە قارىتىلغان يېڭى ئۇرۇش پىلانىنى تاماملىماقچى

[كورېيە بىرلەشمە ئاگېنتلىقى، سېئۇل، 19-سېنتەبىر تېلېگراممىسى] كورېيە بىلەن ئامېرىكا يىل ئاخىرىغىچە چاۋشيەننىڭ قىسمەن ئىغۋاگەرچىلىكىگە زەربە بېرىدىغان «قىسمەن ئىغۋاگەرچىلىكىگە بىرلىشىپ تاقابىل تۇرۇش ئۇرۇش پىلانى»نى تاماملاش توغرىسىدا كېلىشىم ئىمزالىدى.
    كورېيە دۆلەت مۇداپىئە مىنىستىرلىقى بۈگۈن پارلامېنت دۆلەت مۇداپىئە كومىتېتىغا دۆلەت سىياسىتىنى نازارەت قىلىپ تەكشۈرۈش خىزمەت دوكلاتى ماتېرىيالىدا: كورېيە بىلەن ئامېرىكا كېلىشىم ئىمزالاپ، يىل ئاخىرىغىچە قىسمەن ئىغۋاگەرچىلىككە بىرلىشىپ تاقابىل تۇرۇش ئۇرۇش پىلانىنى تاماملاشنى قارار قىلدى، دېيىلدى. دوكلاتتا ئۇرۇش پىلانىغا قارىتا: كورېيە ئارمىيەسىنىڭ «غەربىي شىمال ئاراللىرى مۇداپىئە پىلانى» (يانۋار)، «بىرلەشمە باش ئىشتاب قائىدىسى ۋە خەتەرلىك پەيتتىكى تەدبىر قائىدىسى» (ئىيۇن)، (بىرلەشمە باش ئىشتابنىڭ سىڭىپ كىرىش ۋە ئىغۋاگەرچىلىككە تاقابىل تۇرۇش پىلانى) (ئىيۇل) قاتارلىق ھۈججەت سىستېمىسىنى ئايرىم-ئايرىم ھالدا مۇكەممەللەشتۈرىدۇ، دېيىلدى.
   قىسمەن ئىغۋاگەرچىلىك بىرلەشمە ئۇرۇش پىلانى چاۋشيەن ئىغۋاگەرچىلىك سالغاندا، كورېيە ئارمىيەسىنى مۇۋاپىق پەيتتە كۆپەيتىش، ئامېرىكا ياردەمچى قوشۇنىنى ئۈنۈملۈك ئىشقا سېلىپ ئىلگىرىكى كورېيە ئارمىيەسى يەككە ھالدا ئىغۋاگەرچىلىك سېلىشقا تاقابىل تۇرۇش پىلانىنى ئۆزگەرتىشنى كۆرسىتىدۇ.
   دۆلەت مۇداپىئە مىنىستىرلىقىنىڭ تونۇشتۇرۇشىچە، ئوخشاش بولمىغان قوشۇنلارنى ئىنچىكە ئايرىپ دۈشمەننىڭ ئىغۋاگەرچىلىكىگە تاقابىل تۇرۇش باسقۇچى ھەم كورېيە بىلەن ئامېرىكىنىڭ ئورتاق بېشارەت تىزىملىكىنى تەتقىق قىلىپ بېكىتىش ئارقىلىق دۈشمەننىڭ ئىغۋاگەرچىلىك سېلىش بېشارىتىگە تېخىمۇ ئېنىق ھۆكۈم قىلىنىدۇ. دۆلەت مۇداپىئە مىنىستىرلىقى: كورېيە-ئامېرىكا دېڭىز ئارمىيەسىنىڭ قۇرۇقلۇقتا جەڭ قىلىش ئەترىتى بىرلەشمە مەشىقىنى يولغا قويۇش ئىلگىرى سۈرۈلۈۋاتىدۇ، دېدى.
      ھەربىي تەرەپ غەربىي ئاراللار بىلەن غەربىي شىمال ئاراللىرى دېڭىز قىرغىقىنىڭ ئىككى كىلومېتىر دائىرىسىنى ئۆلچەم قىلىپ، دېڭىز ئارمىيەسىنىڭ قۇرۇقلۇقتا جەڭ قىلىش ئەترىتى قوماندانلىق ئىشتابى بىلەن دېڭىز ئارمىيە 2-پاراخوت ئەترىتى كوماندىرىنىڭ مەسئۇلىيەت ۋە ھوقۇق دائىرىسىنى ئايرىشتىكى ئۇرۇش كۆرسەتكۈچى قىلىشنى ئۆزگەرتىپ، غەربىي ئاراللار ۋە دېڭىز قىرغىقىنىڭ ئالاقىدار ئۇرۇش قىلىش ئىش تۈرلىرىنى دېڭىز ئارمىيەسىنىڭ قۇرۇقلۇقتا جەڭ قىلغۇچى ئەترىتىنىڭ قوماندانىغا تاپشۇردى.